1
پنجاب کےعوام کی اکثریت نے وزیراعلیٰ مریم نوازکی ایک سال کی کارکردگی پراطمینان کا اظہارکردیا۔سروے کےمطابق باسٹھ فیصد عوام نےمریم نوازکی گورننس اورعوامی خدمات کوغیرمعمولی قراردیا۔ستاون فیصد شہریوں نےایک سال کےدوران گورننس کا معیار بہترین قرار دےدیا،سترہ فیصد کو پرفارمنس خراب لگی۔
انسٹی ٹیوٹ فارپبلک اوپینین ریسرچ نےپنجاب اسپیکس کےنام سےپبلک اوپینین پول جاری کردیا،سروے میں تعلیم اورصحت کے شعبوں کو سب سے زیادہ بہترین قرار دیا گیا،سروے کےمطابق ساٹھ فیصد عوام کو یقین ہےکہ وزیراعلیٰ مریم نواز نےکارکردگی میں تینوں صوبوں کے وزرائےاعلیٰ کو پیچھے چھوڑ دیا۔دیہی اورشہری علاقوں میں یہ سروے تین سے 18 فروری کے دوران کیا گیاجس کےمطابق تعلیم کے شعبے میں 15 فی صد،صحت میں 14،سڑکوں اور عمارتوں کی تعمیر اورستھرا پنجاب میں گیارہ گیارہ فیصد بہتری آئی۔
2
لاہور پولیس کے اہلکار بھی ہنی ٹریپ میں ملوث نکلے، کوٹ لکھپت پولیس نے ہنی ٹریپ میں ملوث 3 خواتین سمیت 7 سات ملزمان گرفتار کرلئے، 2 پولیس اہلکار بھی شامل ہیں۔لاہور پولیس کے اہلکار بھی ہنی ٹریپ جیسے سنگین جرم میں ملوث نکلے، پولیس نے کوٹ لکھپت میں کارروائی کے دوران ہنی ٹریپ میں ملوث 7 ملزمان کو گرفتار کرلیا، پکڑے گئے ملزمان می 3 خواتین اور دو پولیس اہلکار بھی شامل ہیں۔
ایس پی ماڈل ٹاؤن نے بتایا کہ پولیس کے مطابق ملزمان میں عاصم، وقاص، احمد، ابرار، نورین، کرن اور فریحہ شامل ہیں، خواتین ملزمان لڑکوں سے سوشل میڈیا پر دوستی کرتی تھیں۔پولیس افسر کا کہنا ہے کہ خواتین ملزمان دوستی کے بعد بہانے سے لڑکوں کو مختلف لوکیشنز پر بلاتیں، خواتین ملزمان فلیٹ پر پہلے سے موجود ساتھیوں سے مل کر تشدد کرتیں اور دوران تشدد ملزمان لڑکوں کی وڈیوز بناتے اور بلیک میل کرتے تھے۔پولیس کے مطابق ملزمان سے 7 موبائل فون، ہتھکڑی، پستول، 55 ہزار نقدی اور دیگر سامان برآمد ہوئے ہیں۔
3
سینیٹ میں خواتین کے عالمی دن پر قرار داد متفقہ طور پر منظور،کم عمری کی شادیوں پر پابندی لگانے اور خواتین کو قانونی حقوق کی فراہمی یقینی بنانے کے مطالبات شامل ہیں۔ سینیٹر کامل علی آغا نے عملدرآمد کیلئے کمیٹی کے قیام کی تجویز بھی دے دی۔سینیٹ اجلاس میں پیپلزپارٹی کی سینیٹر شیری رحمان نے خواتین کے عالمی دن کے حوالے سے قرارداد پیش کی۔ قرار داد میں کہا گیا ہے کہ حکومت خواتین کو معاشی طور پر بااختیار بنانے کیلئے اقدامات کرے، خواتین کو اپنی صحت کے فیصلوں کا حق دینے کے ساتھ کم عمری کی شادیوں پر پابندی لگائی جائے۔
4
امریکا نے پاکستانی شہری کو قومی سلامتی کا مسئلہ قرار دے کر ڈی پورٹ کردیا۔ٹرمپ حکومت نے پاکستانی شہری سید رضوی کو قومی سلامتی کا مسئلہ قرار دے کر ڈی پورٹ کردیا۔یو ایس امیگریشن اینڈ کسٹم انفورسمنٹ ایجنسی کے مطابق سید رضوی نامی پاکستانی شہری کو ٹیکساس کے شہر ڈیلاس میں پولیس ناکے سے گرفتار کیا گیا تھا، جس کے بعد انہیں 25 فروری کو امریکا سے ڈی پورٹ کردیا گیا۔
5
غیرملکیوں اورافغانیوں کے خلاف 31 مارچ کے بعد سخت ایکشن کا فیصلہ،غیرقانونی غیرملکیوں کی وطن واپسی کی ڈیڈ لائن میں توسیع نہیں کی جائےگی،غیر قانونی طور پر مقیم غیرملکیوں اورافغان سٹیزن کارڈ ہولڈرکی پاکستان چھوڑنےکی ڈیڈ لائن31 مارچ ہے،مقررہ تاریخ کے بعد مقیم غیر قانونی، غیرملکیوں اورافغان شہریوں کےخلاف قانونی کاروائی کی جائے گیایسےافراد کو گرفتار کر کےملک بدرکیا جائے گا،پاکستان میں مقیم تمام افغان شہریوں کو واضح ہدایات دی گئی ہے کہ وہ باعزت طور پر واپس چلے جائیں،پاکستان میں بڑھتی دہشتگردی کے واقعات میں افغان شہریوں کے براہ راست ملوث ہونے کے بعد یہ فیصلہ کیا گیا ہے
6
چیمپئنز ٹرافی فائنل سے قبل ویرات کوہلی انجری کا شکار،آئی سی سی چیمپئنز ٹرافی کا فائنل اتوار کو بھارت اور نیوزی لینڈ کے درمیان دبئی میں کھیلا جائے گا۔بھارتی اسٹار بیٹر ویرات کوہلی فائنل سے قبل جمعہ کو انٹرنیشنل کرکٹ کونسل اکیڈمی میں نیٹ پریکٹس کے دوران معمولی زخمی ہوگئے۔رپورٹ کے مطابق کوہلی نیٹس میں فاسٹ بولنگ کا سامنا کررہے تھے اس دوران ایک تیز گیند ان کے گھٹنے پر جالگی، جس کے بعد انہوں نے فوری طور پر پریکٹس روک دی۔رپورٹ میں بتایا گیا ہے کہ بھارتی ٹیم کے فزیو اسٹاف نے فوراً کوہلی کا معائنہ کیا، انہیں اسپرے لگایا اور متاثرہ جگہ پر بینڈیج باندھ دی۔
7
جنوبی کوریا کے سابق صدر کو رہا کردیا گیاحراست مرکز کے باہر ہزاروں حامیوں نے ان کا استقبال کیاخبر ایجنسی کے مطابق جنوبی کوریا کے صدر یون سوک یول کو ملک میں مارشل لاء لگانے کی پاداش میں گرفتار کیا گیا تھا، عدالت نے گزشتہ روز سابق صدر کے وارنٹ گرفتاری منسوخ کردیئے تھے۔
