اسلام آباد(ای پی آئی) سپریم کورٹ آف پاکستان نے سانحہ 9 مئی کے ملزمان کی ضمانتیں منسوخ کرنے کے لئے پنجاب حکومت کی جانب سے دائر درخواستیں سماعت کے لئے مقررکر دیں۔
جی ایچ کیو حملہ کیس کے ملزمان محمد حنیف، ایازعباسی، محمد جہانگیر خان، محمد ابرار، طلعت محمود، کاشف نذیر، ارسلان شہزاد، ریاض حسین، محمد زیاس خان، رانا تنویر احمد اوردیگر کی ضمانتوں کے خلاف اپیلوں پر سماعت 7 اپریل کو ہوگی.
اگلے روز8 اپریل کوعالیہ حمزہ،خدیجہ شاہ، ارباز خان، قاسم جاوید خان،محمد ندیم اصغر،عثمان شریف،محمد شہبازعلی، روبینہ خان،سلیمان قادری، فیاض احمد، فہیم نور،محمد مجاہد،میاں حریر،شہرام مبارک، محمد نسیم،شیخ تخلیق ربانی اوراسامہ عارف سمیت 20 ملزمان کی ضمانت منسوخی کے لیے دائر اپیلوں پر سماعت ہوگی۔
چیف جسٹس آف پاکستان یحییٰ آفریدی کی سربراہی میں جسٹس محمد شفیع صدیقی اور جسٹس شکیل احمد پرمشتمل 3 رکنی بینچ پنجاب حکومت کی جانب سے دائر اپیلوں پر سماعت کرے گا۔
پنجاب حکومت کی جانب سے سانحہ9مئی کے تمام کیسز میں مختار عباس نقوی بطور اسپیشل پراسیکیوٹر پیش ہوں گے۔ جبکہ چیف جسٹس یحییٰ آفریدی نے ایڈیشل پراسیکیوٹر جنرل پنجاب احمد رضاگیلانی کوبھی دوران اپنی حاضری یقینی بنانے کی ہدایت کررکھی ہے۔
