اسلام آباد(ای پی آئی) پاکستان میں زرمبادلہ کے مجموعی ذخائر 20,028.7 ملین ڈالر ہو گئے
اسٹیٹ بینک کی جانب سے جاری تازہ اعلامیہ کے مطابق پاکستان کے زر مبادلہ کے مجموعی سیال ذخائر 04 جولائی 2025ء کو 20,028.7 ملین ڈالر تھے۔ زر مبادلہ ذخائر کی تفصیلات کے مطابق اسٹیٹ بینک آف پاکستان کی تحویل میں زر مبادلہ ذخائر 14,502.2 ملین ڈالر ہیں جبکہ کمرشل بینکوں میں زرِمبادلہ کے خالص ذخائر: 5,526.5 ملین ڈالر اس طرح زر مبادلہ کے مجموعی سیال ذخائر: 20,028.7 ملین ڈالر ہوگئے ہیں.
اعلامیہ کے مطابق 04 جولائی 2025ء کو ختم ہونے والے ہفتے کے دوران اسٹیٹ بینک کے ذخائر 1,774 ملین ڈالر کے اضافے سے 14,502.2 ملین ڈالر ہو گئے۔ اسٹیٹ بینک کے زرِ مبادلہ ذخائر میں اس اضافے کی وجہ سرکاری رقوم کی وصولی ہے۔
