حیدرآباد:(ای پی آئی ) مقامی فنکارہ کے نوجوان بیٹے پر تشدد کرکے ویڈیو وائرل کرنے کے واقعہ میں ملوث 2 ملزمان گرفتار کرلئے گئے.
دو روز قبل تھانہ ہٹڑی کی حدود مین بائی پاس جلسہ گاہ گراؤنڈ میں چند منچلے لڑکوں نے نوجوان فرحان کیریو کو ہاکی اور پسٹل کے بٹ و دیگر سے تشدد کا نشانہ بناکر ویڈیو وائرل کی جس کی اطلاع ملتے ہی ہٹڑی پولیس نے نوجوان کو طبی امداد کیلئے میڈیکل دیکر ہسپتال منتقل کیا.
ایس ایس پی حیدرآباد عدیل حسین چانڈیو واقع کا فوری نوٹس لیتے ہوئے واقعہ میں ملوث ملزمان کی گرفتاری اور مقدمے کے اندراج کے لیے SHO ہٹڑی غلام فاروق راہوپوٹو کو احکامات جاری کیے .
ابتدائی تفتیش کے دوران ہٹڑی پولیس نے واقعے کی معلومات حاصل کی جس کے نتیجے میں نوجوان مقامی فنکارہ کا بیٹا معلوم ہوا جس کی ایک سال قبل زین شاہ، ارسلان سومرو، علی بلوچ، عبدالرحمٰن اور منیر ڈاھوٹ سے آپس میں تلخ کلامی ہوئی جس کے بعد ملزمان اور فرحان کیریو کی آپسی رنجش چل رہی تھی اور ملزمان نے نوجوان پر اسی رنجش کے چلتے تھانہ ہٹڑی کی حدود میں لاکر ہاکی، لاٹھی اور پسٹل کے بٹ سے تشدد کیا اور فائرنگ کرکے جان سے مارنے کی دھمکیاں دی جس کے بعد نوجوان کی ویڈیو مختلف سوشل پلیٹ فارمس پر وائرل کردی.
ایس ایچ او ہٹڑی غلام فاروق راہوپوٹو نے اس واقعے کا مقدمہ متاثرہ نوجوان کے بھائی کامران علی کیریو کی مدعیت میں کرائم نمبر 212/2025 زیر دفعہ 324,506/2،504,147,14 8,149,337A(i),337F(I) کے تحت درج کرکے اپنی ٹیم کے ہمراہ واقعیہ کے تمام تر حقائق کو مدنظر رکھتے ہوئے کارروائی کی اور تشدد کرنے والے ملزمان ارسلان سومرو اور علی بلوچ کو گرفتار کرلیا جبکہ دیگر ملوث ملزمان کی گرفتاری کیلئے پولیس کی کارروائیاں جاری ہیں
گرفتار ملزمان ارسلان سومرو اور علی بلوچ سے مزید تفتیش کی جارہی ہے .مزید ملزمان کی گرفتاری کیلئے کارروائیوں کا سلسلہ جاری ہے.
