اسلام آباد(ای پی آئی) سیلاب سے متاثرہ علاقوں میں بجلی کی بحالی پر پاور ڈویژن کی 03 ستمبر تک کی رپورٹ سامنے آگئی ،
رپورٹ میں پتایا گیا ہے پیسکو کے علاقے سوات، بنر، شانگلہ، صوابی اور ڈی آئی خان کے 12 گرڈز اور 91 فیڈرز متاثرہوئے اور اب تک پیسکو کے 85 فیڈرز مکمل اور 6 جزوی طور پر بحال کردیئے گئے ہیں.یوں پیسکو کے 463375 متاثرہ صارفین میں سے 459921 صارفین کیلئے بجلی بحال کر دی گئی،
پاور ڈویژن کے مطابق پیسکو کے باقی 3454 متاثرہ صارفین کیلئے بجلی کی بحالی کا کام 4 سے 11 ستمبر تک مکمل کر لیا جائے گا ، پیسکو کے زیرِ انتظام علاقے صوابی اور ڈی آئی خان میں بجلی کی بحالی کا کام مکمل ہو چکا ہے ،
رپورٹ میں بتایا گیاہے کہ گیپکوکے کے 11 گرڈز اور 103 متاثرہ فیڈرز میں سے 83 فیڈرز مکمل اور 13 جزوی طور پر بحال ہوئے ہیں اس طرح گیپکو کے 735995 متاثرہ صارفین میں سے 631495 صارفین کیلئے بجلی بحال کر دی گئی، گیپکو کے باقی 104500 متاثرہ صارفین کیلئے بجلی بحالی کا کام سیلاب کا پانی اترنے پر مکمل کر لیا جائے گا.
رپورٹ کے مطابق لیسکو میں لاہور، اوکاڑہ، شيخوپورہ، قصور اور ننکانہ کے 67 متاثرہ فیڈرز میں سے 31 مکمل اور 36 جزوی طور پر بحال ہوئے ہیں یوں لیسکو کے 75681 متاثرہ صارفین میں سے 59590 صارفین کیلئے بجلی بحال کر دی گئی، لیسکو کے باقی 16091 متاثرہ صارفین کیلئے بجلی کی بحالی کا کام 4 سے 5 ستمبر تک مکمل کر لیا جائے گا .
پاور ڈویژن کے مطابق فیسکو کے زیرِ انتظام علاقوں ٹی ٹی سنگھ، فیصل آباد ، چنیوٹ، جھنگ، سرگودھا، میانوالی اور ڈی آئی خان کے 26 گرڈ اور 76 فیڈرز متاثر ہوئے،ان متاثرہ فیڈرز میں سے 18 مکمل اور 54 عارضی طور پر بحال ہوچکے ہیں اس طرح فیسکو کے 194344 متاثرہ صارفین میں سے 83185 صارفین کیلئے بجلی بحال کر دی گئی ہے اور فیسکو کے باقی 111159 متاثرہ صارفین کیلئے بجلی کی بحالی کا کام 4 سے 5 ستمبر تک مکمل کر لیا جائے گا .
رپورٹ میں کہا گیا ہے کہ میپکو کے زیرِ انتظام علاقوں میں 134 فیڈرز متاثر ہوئے، جس سے میپکو کے زیرِ انتظام علاقوں میں 88818 صارفین متاثر ہوئے ، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا،
رپورٹ میں پاور ڈویژن نے بتایا ہے کہ ٹیسکو کے علاقے شمالی وزیرستان اور خیبر کے 13 فیڈرز متاثر ہوئے جن میں سے 2 فیڈر مکمل اور 9 فیڈر عارضی طور پر بحال کردیئے گئے ہیں اس طرح ٹیسکو کے 25433 متاثرہ صارفین میں سے 9072 صارفین کیلئے بجلی بحال کر دی گئی، ٹیسکو کے باقی 16361 متاثرہ صارفین کیلئے بجلی کی بحالی کا کام 5 ستمبر شام 5 بجے تک مکمل ہونے کی توقع ہے،
رپورٹ میں بتایا گیا ہے کہ ہیزیکو کے زیرِ انتظام علاقے مانسہرہ کے 3 متاثرہ فیڈر مکمل طور پر بحال کردیئے گئے ہیں مجموعی طور پر 49 گرڈ اور 487 متاثرہ فیڈرز میں سے 222 کو مکمل اور 127 کو عارضی طور پر بحال کر دیا گیا ہے جس کے بعد یوں 1607311 متاثرہ صارفین میں سے 1266928 صارفین کیلئے بجلی بحال کر دی گئی،
پاور ڈویژن کا کہنا ہے کہ متاثرہ علاقوں میں بجلی کی مکمل بحالی ترجیح ہے،
