کراچی (ای پی آئی ) سندھ کے صوبائی وزیر ثقافت و سیاحت سید ذوالفقار علی شاہ کا وفاقی وزیر اطلاعات عطا تارڑ کو خط ،پی ٹی وی کے اینکر رضوان رحمان کی جانب سے سندھ کے عوام کیخلاف نازیبا الفاظ کے استعمال پر کاروائی کا مطالبہ،
خط میں کہا گیا ہے کہ رضوان رحمان نے موجودہ سیلابی صورتحال پر حقائق کی بجائے لسانی سوچ کو ظاہر کیا،قدرتی آفات موسمیاتی تبدیلی پر تمام حکومتیں ملکر کام کررہی ہیں،اس چیز کو بنیاد بناکر سندھ اور سندھ کی عوام کو نشانہ بنایا گیا،
صوبائی وزیر نے خط میں مزید کہا ہے کہ اینکر کی جانب سے اس قسم کی گفتگو نا صرف سندھ بلکہ قومی یکجہتی کیخلاف سازش ہےمتعلقہ اینکر کیخلاف سخت کاروائی عمل میں لا کر ایسی مثال قائم کی جائے جس سے کوئی بھی آئندہ کسی صوبے عوام یا کسی ثقافت کیخلاف اس طرح گفتگو نہ کرسکے،
