اسلام آباد (ای پی آئی )ترجمان اینٹی نارکوٹکس فورس (اے این ایف) کی ملک کے مختلف شہروں میں منشیات کے خلاف کارروائیاں جاری 6 کارروائیوں میں 4 ملزمان کو گرفتار کرکے 84 لاکھ روپے سے زائد مالیت کی 83 کلوگرام منشیات برآمد کرلی گئی۔
ترجمان کے مطابق اسلام آباد میں موٹر وے ٹول پلازہ کے قریب کارروائی کے دوران ایک گاڑی سے 300 گرام آئس برآمد کی گئی جب کہ گرفتار ملزم نے اعتراف کیا کہ وہ تعلیمی اداروں کے طلبہ کو منشیات فروخت کرتا تھا۔ملتان میں واقع ایک کوریئر آفس سے اسکاٹ لینڈ سے آنے والے پارسل کی تلاشی کے دوران کریم کے ڈبوں میں چھپائی گئی 120 گرام کوکین برآمد ہوئی۔
جبکہ پشین کے علاقے میں ایک ہوٹل کے قریب گاڑی سے 65 کلوگرام چرس ملی، جب کہ ملزم کو موقع پر گرفتار کرلیا گیا۔ اٹک کے قطبال ٹول پلازہ کے قریب گاڑی سے 9.6 کلوگرام چرس، رنگ روڈ پشاور پر موٹر سائیکل سوار کے قبضے سے 6 کلوگرام افیون اور راولپنڈی کے کوریئر آفس سے پشاور سے آنے والے پارسل سے 2.310 کلوگرام افیون برآمد کی گئی۔
