راولپنڈی (ای پی آئی ) افغان فورسز کی جانب سے پاکستانی فورسز پر فائرنگ اور حملے کے نتیجے میں پاکستانی فورسز کی جانب سے بھرپورجوابی کارروائی منہ توڑ جواب دیتے ہوئے طالبان فورسز کے خلاف کامیاب اسٹرائیک درانی کیمپ 2 کو مکمل تباہ کر دیا۔
سیکیورٹی ذرائع کے مطابق طالبان کے درانی کیمپ 2 میں موجود 50 سے زائد طالبان اور خارجیوں کے ہلاک ہونے کی اطلاعات ہیں۔درانی کیمپ 2 خارجیوں کی پاکستان میں دہشت گردانہ کاروائیوں کے لیے ایک مرکزی لانچ پیڈ کا کام کرتا تھا۔برابچا کے علاقے میں افغان طالبان کی سیکنڈ بٹالین ہیڈکوارٹر جس کا تعلق 1st بریگیڈ سے ہے، کو نشانہ بنایا گیا، جہاں سے خارجیوں اور فتنۃ الہندوستان کے دہشت گردوں کو لانچ کیا جاتا تھا۔اسٹرائیک میں درجنوں افغان طالبان اور خارجیوں کے جانی اور مالی نقصانات کی اطلاعات ہیں۔
سیکیورٹی ذرائع کے مطابق پاکستان کی جانب سے شدید اور مؤثر جوابی کارروائی کے نتیجے میں چمن بارڈر کے علاقے میں افغان طالبان اور طالبان کی پوسٹوں پر چھپے خارجی پوسٹیں چھوڑ کر بھاگتے ہوئے مارے گئے۔
جاری ویڈیو میں دیکھا جا سکتا ہے کہ خارجی اور افغان طالبان پوسٹیں چھوڑ کر راہِ فرار اختیار کرنے کی ناکام کوشش کر رہے ہیں۔پاکستانی فورسز نے بروقت کارروائی کر کے فرار خارجیوں اور افغان طالبان کو انگیج کیا۔
سیکیورٹی ذرائع کے مطابق قبضہ کی جانے والی افغان پوسٹ کے اندرونی مناظر منظر عام پر آئے ہیں ۔ویڈیو میں افغان طالبان کے پوسٹ پر پڑے ہوئے افغانی یونیفارم اور چھوڑے گئے ہتھیار دیکھے جا سکتے ہیں۔بیشتر افغان طالبان پوسٹیں خالی چھوڑ کر بھاگ چکے ہیں۔
سیکیورٹی ذرائع نے مزید بتایا کہ جاری ویڈیو میں پاکستانی ہتھیاروں سے افغان پوسٹوں کو نشانہ بنانے کے مناظر دیکھے جا سکتے ہیں، پاکستان فوج کے جوان رات گئے افغان پوسٹوں کو نشانہ بنانے میں مستعدی سے مصروف ہیں
