لاہور (ای پی آئی ) پاکستان کرکٹ ٹیم کے وکٹ کیپر بیٹسمین محمد رضوان نے سینٹرل کنٹریکٹ قبول کرنے سے انکار کردیا۔ذرائع کے مطابق بورڈ نے 30 قومی کرکٹرز کو سینٹرل کنٹریکٹس پیش کیے تھے۔
پی سی بی کی جانب سے سینٹرل کنٹریکٹس کی اے کیٹیگری میں کسی کھلاڑی کو شامل نہیں کیا گیا جبکہ محمد رضوان سمیت 10 کھلاڑیوں کو بی کیٹیگری میں شامل کیا گیا ، رضوان کے سوا تمام کرکٹرز نے سینٹرل کنٹریکٹس پر دستخط کر دیے۔
ذرائع کا کہنا ہے کہ محمد رضوان کی جانب سے دستخط کرنے کے لیے کچھ مطالبات رکھے گئے ہیں۔ انہوں نے بورڈ سے خود کو ٹی ٹوئنٹی ٹیم سے باہر کرنے کی وجوہات بھی پوچھی ہیں۔ذرائع کے مطابق بورڈ نے اس پر کوئی لچک نہیں دکھائی اور رضوان کے مطالبات منظور کیے جانے کا بھی کوئی امکان نہیں ہے۔
