اسلام آباد(ای پی آئی)مہنگائی سے ستائے عوام کے لیے بری خبر ہے ،ملک میں پیٹرول مزید 30 روپے فی لیٹر مہنگا ہونے کا امکان ہے، حکومت پیٹرولیم مصنوعات پر 17 فیصد جی ایس ٹی عائد کرنے پر غور شروع کر دیاہے۔
ذرائع کے مطابق آئی ایم ایف کی طرف سے پاکستان کو ٹیکس ریونیو ہدف میں اضافے کا کہہ دیا گیا ہے۔حکومت پیٹرولیم ڈویلپمنٹ لیوی کی موجودہ زیادہ سے زیادہ حد 50 روپے فی لیٹر میں 20 سے 30 روپے فی لیٹر اضافے کے ساتھ اس کو 70 سے 80 روپے فی لیٹر کرنے اور پیٹرولیم مصنوعات پر 17فیصد جی ایس ٹی عائد کرنے کا بھی ارادہ رکھتی ہے تاکہ پیٹرولیم لیوی کے ہدف کو حاصل کیا جاسکے۔
