واشنگٹن (ای پی آئی)ترجمان امریکی محکمہ خارجہ نیڈ پرائس کا کہنا ہے کہ طالبان یقینی بنائیں کہ داعش، ٹی ٹی پی اور دیگر خطے کا امن خراب نہ کریں،
پاکستان کے ساتھ اقتصادی و تجارتی تعلقات کو مثالی بنانا چاہتے ہیں، دو دہائیوں میں پاکستان میں سرمایہ کاری کرنے والوں میں امریکا سرفہرست ہے۔ نیڈ پرائس نے پریس بریفنگ میں کہا کہ پاکستان کے ساتھ توانائی، زرعی آلات اور دیگر شعبوں میں تجارت کے فروغ کی ضرورت ہے۔
انہوں نے کہا کہ پاکستان کے ساتھ ایک سال میں ہماری سرمایہ کاری میں تقریبا پچاس فیصد اضافہ ہوا ہے۔نیڈ پرائس کا پریس بریفنگ میں کہنا تھا کہ طالبان یقینی بنائیں کہ داعش، ٹی ٹی پی اور دیگر خطے کا امن خراب نہ کریں۔انہوں نے مزید کہا کہ افغان طالبان وعدوں کی پاسداری کریں۔ دہشتگردی کے باعث گزرے برسوں میں بہت سے پاکستانیوں نے جان گنوائی۔
امریکا نے کہا ہے کہ دہشتگردی کے خلاف پاکستان کے ساتھ مشترکا مفادات ہیں۔ترجمان نے مزید کہا کہ طالبان یقینی بنائیں کہ افغانستان میں موجود گروپس داعش، ٹی ٹی پی اور القاعدہ خطے کے استحکام کے لیے خطرہ نہ بنیں۔ پاکستان اور امریکا کے دہشتگردی کے خلاف مفادات مشترک ہیں۔
