دوحہ (ای پی آئی)وزیرِ اعظم میاں محمد شہباز شریف 2 روز کے سرکاری دورے پر قطر پہنچ گئے،وزیرِ اعظم دوحہ میں اقوام متحدہ کی کم ترقی یافتہ ممالک کی کانفرنس میں شرکت کریں گے۔
کانفرنس میں ترقی پذیر ممالک میں پائیدار ترقی تیز کرنے کے اقدامات پر غور ہو گا۔وزیرِ اعظم شہباز شریف کانفرنس میں شریک رہنماوں اور وفود کے سربراہان سے ملاقات بھی کریں گے۔دو روزہ کانفرنس دوحہ میں شروع ہوئی ہے، ترقی کرتے ممالک کی کانفرنس کا یہ پانچواں اجلاس ہے۔
امیر قطر کانفرنس میں شریک سربراہان مملکت کے اعزاز میں استقبالیہ دیں گے، وزیرِ اعظم شہباز شریف استقبالیہ میں شرکت کریں گے۔وزیرِ اعظم شہباز شریف 6 مارچ کو کانفرنس کے اجلاس سے خطاب کریں گے۔
