اسلام آباد(ای پی آئی)ملک بھر میں اانسدادپولیو مہم آج13 مارچ سے شروع ہو گی، مہم دو مرحلوں میں منعقد کی جا رہی ہے، وفاقی وزیر صحت عبدالقادر پٹیل نے کہا ہے کہ والدین اپنے بچوں کو ہر پولیو مہم میں حفاظتی قطرے ضرور پلوائیں۔
مارچ کی پولیو مہم میں 21 ملین سے زیادہ بچوں کو حفاظتی قطرے پلائے جائیں گے ، پہلے مرحلے میں 13 سے 17 مارچ کے دوران پنجاب کے 13 اضلاع ، سندھ کے 16 اضلاع اور اسلام آباد میں مہم ہوگی، مہم کا دوسرا مرحلہ 3 سے 7 اپریل تک ہوگا دوسرے مرحلے میں بلوچستان کے 12 اضلاع اور خیبر پختونخواہ کے 26 اضلاع میں مہم ہوگی۔وزیر صحت نے کہا کہ وائرس سے بچوں کے معذور ہونے سے بچانا ہمارا مذہبی اور اخلاقی فریضہ ھے،حکومت پولیو کے خاتمے کیلئے پرعزم ھے ،پولیو کے خاتمے کیلئے مربوط حکمت عملی تشکیل دے رکھی ھے،پولیو کے خاتمے تک چین سے نہیں بیٹھیں گے ۔