ژوب (ای پی آئی ) امیر جماعت اسلامی سراج الحق کی گاڑی کے نزدیک بم دھماکہ 4 افراد زخمی امیر جماعت اسلامی محفوظ رہے.
تفصیلات کے مطابق امیر جماعت اسلامی بلوچستان کے علاقہ ژوب میں جلسہ عام سے خطاب کےلئے پہنچے جہاں پر انھیں قافلے کی صورت میں لے جایا جا رہا تھا کہ ان کی گاڑی کے نزدیک زور دار دھاکہ ہو گیا ۔
لیویز کے مطابق دھماکے میں سراج الحق اور دیگر رہنما محفوظ رہے جب کہ 4 افراد زخمی ہوئے ۔ لیویز نے تصدیق کی کہ دھماکا جماعت اسلامی کے امیر سراج الحق کے قافلے پر ہوا۔سیکورٹی فورسز نے علاقے کو گھیرے میں لے لیا اور مشتبہ افراد کی گرفتاری کےلیے سرچ آپریشن شروع کردیا ہے۔
وزیراعلیٰ بلوچستان قدوس بزنجو نے دھماکے کی مذمت کرتے ہوئے دہشت گردی کے واقعہ میں امیر جماعت اسلامی کے محفوظ رہنے پر اظہار اطمینان کیا۔
انہوں نے کہا کہ دہشت گرد عناصر اور انکے سرپرستوں کو ناپاک عزائم میں کامیاب نہیں ہونے دینگے، واقعہ میں پانچ افراد کے زخمی ہونے پر دلی افسوس ہے، اللہ تعالیٰ کے شکر گزار ہیں جس نے امیر جماعت اسلامی اور انکے ساتھیوں کی حفاظت فرمائی۔
