کراچی(ای پی آئی ) کراچی ایئرپورٹ پرایف آئی اے امیگریشن نے بڑی کارروائی کرتے ہوئے انتہائی مطلوب دہشت گرد احسان الحق کی بیرون ملک فرار ہونے کی کوشش ناکام بناتے ہوئے گرفتار کرلیا۔
احسان الحق کا نام اسٹاپ لسٹ میں شامل تھا، ملزم سی ٹی ڈی خیبرپختونخوا کو مطلوب تھا جبکہ اس کے سر کی قیمت 10 لاکھ روپے مقرر تھی۔
دہشت گرد احسان الحق کا نام انتہائی مطلوب دہشت گردوں کی فہرست میں بھی شامل تھا،
ملزم کیخلاف دہشت گردی کے متعدد مقدمات درج ہیں، احسان الحق کا تعلق صوابی سے ہے۔
ایف آئی اے حکام کا کہنا ہے کہ گرفتار دہشت گرد کو متعلقہ حکام کے حوالے کیا جائے گا۔
