لاہور(ای پی آئی)لاہور ہائیکورٹ میں سموگ کے تدارک کیلئے درخواستوں پر سماعت ،عدالت کا ون وے کی خلاف ورزی کرنے والوں کو 2ہزار روپے موقع پر جرمانہ کرنے کا حکم دیدیا،
عدالت نے کہاکہ ون وے کی خلاف ورزی روکنے کیلئے سیمنٹ بیریئر لگائے جائیں،
جسٹس شاہد کریم نے لاہور میں جگہ جگہ ترقیاتی منصوبے شروع کرنے پر اظہار برہمی کیا، جسٹس شاہد کریم نے ریمارکس دیتے ہوئے کہاکہ نگران پنجاب حکومت نے کون سا الیکشن لڑنا ہے جو اتنے منصوبے شروع کر دیئے گئے،
نگران حکومت تو کمال کرکے دکھانے کے چکر میں پڑ گئی۔
جسٹس شاہد کریم نے کہاکہ نگران حکومت والے کس سے تعریفیں لینے کے چکر میں پڑ گئے ہیں،
ایل ڈی اے کے وکیل نے کہا کہ کچھ پروجیکٹ شروع کئے ہیں ان پر کام جاری ہے،
ستمبر سے جنوری تک سموگ کا سیزن ہوتا ہے اور اس عرصے میں کوئی ترقیاتی منصوبہ شروع نہیں ہونا چاہئے،
دھواں چھوڑنے والی گاڑیوں کیخلاف صرف چالان کافی نہیں ہے،اس حوالے سے میکنزم بنایا جائے۔
لاہور ہائیکورٹ نے ون وے کی خلاف ورزی کرنے والوں کو 2ہزار روپے موقع پر جرمانہ کرنے کا حکم دیدیا،عدالت نے کہاکہ ون وے کی خلاف ورزی روکنے کیلئے سیمنٹ بیریئر لگائے جائیں۔
