کراچی(ای پی آئی) کراچی کے علاقہ چاکیواڑہ میں پولیس نے بڑی کارروائی کرتے ہوئے بھاری مقدار میں اسمگل شدہ ایرانی پٹرول برآمد کرلیا ملزم فرار ،
ترجمان ایس ایس پی سٹی امجد حیات کے مطابق چاکیواڑہ پولیس نے دوران کارروائی 790 لیٹر سے زائد غیر قانونی ایرانی پٹرول اور پٹرول مشین کی نوزل برآمد کی ہے۔
پولیس کی کارروائی دیکھتے ہی ایک ملزم موقع سے فرار ہونے میں کامیاب ہوگیا، فرار ہونے والے ملزم کی شناخت یاسین کے نام سے کی گئی ہے۔
فرار ہونے والا ملزم پیالا ہوٹل کے پاس عرصہ دراز سے غیر قانونی طور پر ایرانی پٹرول فروخت کررہا تھا،
پولیس ملزم کی تلاش میں لیاری کے مختلف علاقوں میں چھاپے ماررہی ہے فرار ہونے والے ملزم اور برآمد کیا جانے والا پٹرول کا مقدمہ چاکیواڑہ پولیس نے درج کرکے تحقیقات کا آغاز کردیا ہے۔
