کراچی(ای پی آئی) کمسن بچی کو اغواء کرکے زیادتی کا نشانہ بنانے والے ملزم کی جانب سے سزا کے خلاف سندھ ہائیکورٹ میں دائر اپیل مسترد ،
ملزم امجد علی کی سزا برقرار رکھنے کا حکم ۔ تفصیل کے مطابق سندھ ہائی کورٹ میں کمسن بچی کے اغوا و زیادتی کیس میں پھانسی کی سزا کے خلاف ملزم امجد علی کی اپیل پر سماعت ہوئی۔
پولیس نے عدالت کو بتایا کہ ملزم نے 2 فروری 2018 کو سکھن کے علاقے سے 8 سالہ بچی ماریہ کو اغوا کیا اور اس کے ساتھ زیادتی کی،
پولیس نے ملزم امجد علی کو 7 اپریل کو ملیر کے علاقے سے ایک اور بچی کو اغوا کرتے ہوئے رنگے ہاتھوں پکڑا، اور ڈی این اے رپورٹس سے بھی ملزم پر الزامات کی تصدیق ہوئی۔
پولیس حکام نے بتایا کہ ملزم کی سرگرمیوں سے علاقے کے لوگوں نے لڑکیوں کو تعلیم کیلیے بھیجنا چھوڑ دیا تھا، پولیس افسران کے اسکولوں اور مدرسوں کے دورے سے یہ بات سامنے آئی کہ والدین صورتحال سے خوفزدہ ہیں، اس لیے ملزم کے خلاف دہشت گردی کی دفعات بھی مقدمے میں شامل کی گئیں۔
عدالت نے بچی کیاغوا و زیادتی کے ملزم کی سزا کے خلاف اپیل مسترد کردی اور ملزم امجد علی کی سزا برقرار رکھنے کا حکم دے دیا۔
