لاہور (ای پی آئی ) آشیانہ اقبال ہائوسنگ سیکنڈل ریفرنس میں مسلم لیگ ن کے صدر اور سابق وزیراعظم شہباز شریف سمیت دیگر ملزمان کی جانب سے احتساب عدالت میں دائر بریت کی درخواستوں پر عدالت نے فیصلہ سناتے ہوئے شہباز شریف ، احد خان چیمہ اور فواد حسن فواد سمیت تمام ملزمان کی درخواستیں منظور کرتے ہوئے بری کردیا۔
تفصیل کے مطابق آشیانہ ہاؤسنگ سکینڈل کیس میں شہباز شریف سمیت 13ملزمان کی احتساب عدالت میں بریت کی درخواستوں پر سماعت ہوئی، اٹارنی جنرل اور نیب نے اپنی رپورٹس پیش کردی۔نیب پراسکیوٹر کا کہنا تھا کہ سپریم کورٹ کا فیصلہ موجودہ کیس پر اثرانداز نہیں ہوتا،
جس پر عدالت نے کہا کہ بریت کی درخواستوں پر 2 گھنٹے تک فیصلہ دوں گا۔
بعدازاں عدالت نے شہباز شریف سمیت 10 ملزمان کی بریت درخواستوں پر فیصلہ سنایا، عدالت نے فواد حسن فواد ، بلال قدوائی ، شاہد شفیق سمیت دس ملزمان کی بریت کی درخواستیں منظور کر لیں۔
عدالت نے محفوظ فیصلہ سناتے ہوئے شہباز شریف، احد چیمہ، فواد حسن فواد سمیت تمام 10 ملزمان کو بری کر دیا ۔ملزمان میں شہباز شریف ، فواد حسن فواد ،احد خان چیمہ ،امتیاز حیدر ،بلال قدوائی، شاہد محمود ، منیر ضیاء ،علی سجاد ، محمد صدیق ،شاہد شفیق ،ندیم ضیاء اور کامران کیانی شامل ہیں ۔
نیب نے سال 2018 میں 50/18 660 ملین کا آشیانہ اقبال ریفرنس دائر کیا تھا ، ملزمان ندیم ضیا اور کامران کیانی کو مقدمہ سے پہلے ہی ڈسچارج کر دیا گیا تھا۔-
