ملکی ترقی وتنزلی کاضامن عدالتی نظام ہے. اعظم سواتی

اسلام آباد (ای پی آئی ) پاکستان تحریک انصاف کے رہنما سینیٹراعظم خان سواتی نے کہا ہے کہ کسی بھی ملک کی ترقی یا تنزلی کا ضامن اس کا عدالتی نظام ہے۔ رجیم چینج کے نتیجے میں ہمارے عدالتی نظام نے احتساب کو ختم کر کے 11ہزار ارب روپیہ ملک کے چوروں پر حلال کر دیا اورارشد شریف شہید کے اصلی مجرم کو پکڑنے کی بجائے اس کے ورثا کو ٹرک کی بتی کے پیچھے لگا دیا ہے۔

سوشل میڈیا پر ٹوئیٹ میں پی ٹی ئی کے رہنما کا کہنا ہے کہ عمران خان اپنے اوپر قاتلانہ حملے میں اصل مجرموں پر ایف آئی آر نہیں کروا سکتا۔اپنا ذکرکرتے ہوئے انہوں نے کہا ہے کہ اعظم سواتی پر بدترین تشدد ہوا اس پر 45 ایف آئی آرز ہوئیں مگر وہ اپنے مجرموں پر ایک ایف آئی آر نہیں کٹوا سکتا۔ کیا ہم آزاد ہیں؟ اگر نہیں توآو عمران خان کا ساتھ دو ۔