بھکر (ای پی آئی )ضلع بھکر کی تحصیل منکیرہ کے قریب کیری ڈبہ ڈرائیور کو نیند آنے کے باعث شہ زور ڈالہ میں جا لگا ،کیری ڈبہ میں سوار 5 افراد جاں بحق ۔
ریسکیو ذرائع کے مطابق میانوالی سے حیدرآباد تھل جانے والے کیری ڈبہ کے ڈرائیور کو منکیرہ سے آگے ناصرہ آباد کے قریب نیند آنے کی وجہ سے سامنے سے آتے ہوئے شہ زور ڈالہ میں جا لگا جس کی وجہ سے 13 افراد زخمی ہوگئے جن میں سے 04 افراد موقع پر جاں بحق ہو گئے جبکہ زخمی افراد میں ایک ہسپتال پہنچ کر دم توڑ گیا ۔
ریسکیو 1122 ذرائع کے مطابق جاں بحق افراد میں 3 مرد 48 سالہ عدنان 9 سالہ ایان 50 سالہ علی ولد نذیر جبکہ 2 خواتین زرینہ اور ریحانہ کوثر شامل ہیں ۔ ریسکیو حکام نے تمام زخمیوں اور ڈیڈ باڈیز کو ٹی ایچ کیو منکیرہ شفٹ کر دیا۔