پاکستان کے تمام نظریاتی مخالف موجودہ نظام کی حمایت میں یکجا ہیں، فواد چوہدری

اسلام آباد(ای پی آئی ) پاکستان تحریک انصاف کے مرکزی رہنما فواد چوہدری نے کہا ہے کہ پاکستان کے تمام نظریاتی مخالف موجودہ نظام کی حمایت میں یکجا ہیں.

اپنی تازہ ٹوئیٹ میں فواد چوہدری نے کہا ہے کہ اشرف غنی اور کرزئی کے میڈیا ایڈوائزر اس نظام کے میڈیا ایڈوائزر بنے ہوئے ہیں انسانی حقوق کے وہ فورم جو بنیادی طور ہر پاکستان پر دباؤ ڈالنے کیلئے مغربی امداد پر قائم کئے گئے وہ نظام کا حصہ ہیں.

پی ڈی ایم پر تنقید کرنے والے ایک صارف کو جواب دیتے ہوئے اپنی ٹوئیٹ میں فواد چوہدری نے کہا ہے کہ یہ ہی فکر کی بات ہے پاکستان کے تمام نظریاتی مخالف موجودہ نظام کی حمائیت میں یکجا ہیں،اشرف غنی اور کرزئی کے میڈیا ایڈوائزر اس نظام کے میڈیا ایڈوائزر بنے ہوئے ہیں انسانی حقوق کے وہ فورم جو بنیادی طور ہر پاکستان پر دباؤ ڈالنے کیلئے مغربی امداد پر قائم کئے گئے وہ نظام کا حصہ ہیں.

اپنی ایک اور ٹوئیٹ میں فواد چوہدری نے معروف کالم نگار اوریا مقبول جان کو جواب دیتے ہوئے کہا ہے کہ شوریٰ کا تصور اسلامی ہی ہے جو ووٹ سے وجود میں آتا ہے لہذاٰ جہاد کے اعلان کا حق ووٹ سے بنی حکومت کو ہے جو شوریٰ کی منظوری سے یہ اعلان کرے، انفرادی گروپس کو یہ حق نہیں دیا جا سکتا ورنہ فساد فی الارض ہو گا.