سیئول (ای پی آئی ) مارشل لاء کے نفاذ اور خاتمے کے بعد جنوبی کوریا میں سابق صدر کے مواخذے اور مقدمہ کے بعد اب آرمی چیف سمیت گرفتار 2 فوجی افسران پر بغاوت کے الزامات کے تحت فردِ جرم عائد کر دی گئی ہے ۔

میڈیا ذرائع کے مطابق آرمی چیف پارک آن سو اور لیفٹیننٹ جنرل کواک جونگ کیون پر بغاوت اور طاقت کے غلط استعمال کے الزامات کے تحت حراست میں فردِ جرم عائد کی گئی ۔

مقامی میڈیا کے مطابق جنوبی کوریا کے آرمی چیف پارک آن سو اور لیفٹیننٹ جنرل کواک جونگ کیون کو استغاثہ نے تحقیقات کے دوران حراست میں لیا تھا۔

واضح رہے کہ جنوبی کوریا کے صدر نے گزشتہ ماہ ملک میں مارشل لا نافذ کر دیا تھا مگر اسی روز پارلیمنٹ کی جانب سے مارشل لا کے خلاف ووٹ دیئے جانے پر انہوں نے مارشل لا اٹھانے کا اعلان کر دیا تھا۔