اسلام آباد (ای پی آئی)اسلام آباد ہائیکورٹ میں ایف پی ایس سی کو سی ایس ایس 2024 کے نتائج جاری کرنےسے پہلے نئے امتحانات سے روکنے کی درخواست پر سماعت،عدالت نے چئیرمین ایف پی ایس سی کو کل ساڑھے دس بجے طلب کر لیا۔
تفصیل کے مطابق اسلام آباد ہائیکورٹ کےجسٹس محسن اختر کیانی نے کیس کی سماعت کی۔دوران سماعت درخواست گزار حمزہ جاوید و دیگر اپنے وکیل علی رضا ایڈووکیٹ عدالت میں پیش ہوئے ،
درخواست گزار کے وکیل نے موقف اپنایا کہ سنے بغیر فیڈرل پبلک سروس کمیشن نے چار تاریخ کو امیداوروں کو ایڈمشن سرٹفکیٹ اپلوڈ کر دیے ،تین تاریخ کو کمیشن نے ڈیوٹی روسٹر جاری کرتے ہوئے کہا کہ ہم نئے امتحان منعقد کر رہے ہیں ،
جسٹس محسن اختر کیانی نے کہا کہ ہم پہلے روز اس شیڈول کو معطل کر سکتے تھے لیکن معاملہ کمیشن کو بھیجا ، کمیشن کو معاملہ اس لیے بھیجا تاکہ وہ عدالتی آرڈر کے بعد نظر ثانی کرے ،
وکیل علی رضا ایڈووکیٹ نے کہا کہ کمیشن کے اس فیصلے سے ہمارے علاوہ تین ہزار سے زائد امیدوار متاثر ہیں،عدالت نے چیئرمین فیڈرل پبلک سروس کمیشن کو کل ساڑھے دس بجے طلب کرتے ہوئے سماعت ملتوی کردی
