اسلام آباد (ای پی آئی )اسلام آباد ہائیکورٹ میں رات سے لاپتہ صحافی وحید مراد کی بازیابی کے لئے درخواست دائر کر دی گئی ، صحافی وحید مراد کی ساس عابدہ نواز کی جانب سے درخواست دائر ایڈوکیٹ ایمان مزاری اور ہادی علی چٹھہ نے دائر کی، درخواست میں سیکرٹری داخلہ ، سیکرٹری دفاع ، آئی جی اور ایس ایچ او کراچی کمپنی کو فریق بنایا گیا ہے ،
اسلام آباد ہائیکورٹ میں دائر بازیابی کی درخواست میں موقف اپنایا گیا ہے کہ رات دو بجے کالی وردی میں ملبوس افراد جی ایٹ ہمارے گھر آئے ، دو پولیس کی گاڑیاں بھی ان کے ساتھ نظر آرہی تھیں ، گاڑی میں سوار کالی وردی میں ملبوس لوگ وحید مراد کو زبردستی اٹھا کر لے گئے ،
درخواست گزار عابدہ نواز کے مطابق پولیس وردی میں ملبوس افراد نے میرے ساتھ بھی بدتمیزی کی ، واقعہ کے بعد کراچی کمپنی تھانے میں درخواست دی گئی لیکن پولیس کی جانب سے مقدمہ درج نہیں کیا گیا ہے ،
دائر درخواست میں استدعا کی گئی ہے کے وحید مراد کو فوری بازیاب کرانے کا حکم دیا جائے اور درخواست میں استدعا غیر قانونی طور پر اٹھانے والوں کے خلاف کاروائی کا حکم دیا جائے ،
