بنوں(ای پی آئی ) خیبرپختونخوا کے ضلع بنوں میں ڈومیل چشمی کے علاقے میں کائونٹر ٹیررازم ڈیپارٹمنٹ اور دہشتگردوں کے درمیان فائرنگ کے تبادلے میں سب انسپکٹرسمیت 3 پولیس اہلکار شہید اور2 زخمی ہو گئے 2 حملہ آور ہلاک ۔
ترجمان پولیس کے مطابق فائرنگ کا سلسلہ کئی گھنٹے جاری رہا، سی ٹی ڈی اہلکاروں کی جوابی کارروائی میں 2 دہشت گرد مارے گئے جبکہ ایک زخمی حالت میں گرفتارکیا گیا۔ شہید اہلکاروں کی لاشیں اورزخمیوں کو فوری طور پر قریبی اسپتال منتقل کیا گیا، جہاں آر پی او اور ڈی پی او بنوں نے پہنچ کرزخمیوں کی عیادت کی اوراہلکاروں کی قربانی کو خراجِ تحسین پیش کیا۔
پولیس حکام کے مطابق علاقے میں سرچ آپریشن جاری ہے اور دہشت گردوں کے سہولت کاروں کی گرفتاری کے لئے چھاپے مارے جا رہے ہیں۔
