کرم (ای پی آئی ) خیبرپختونخوا کے ضلع کرم میں امن و امان کی صورتحال خراب ہونے کے باعث 7 ماہ قبل بند کی گئی انٹرنیٹ فور جی سروس بحال کر دی گئی ، شہریوں میں خوشی کی لہر دوڑ گئی ۔
ذرائع کے مطابق ضلعی انتظامیہ کے مطابق 28 ستمبر کو علاقے میں کشیدہ حالات کے باعث فورجی انٹرنیٹ سروس معطل کی گئی تھی جس کا مقصد امن و امان کو یقینی بنانا تھا۔ تاہم اب صورتحال میں بہتری کے بعد سروس کو بحال کر دیا گیا ۔
ڈپٹی کمشنر کرم نے کہا کہ ضلع میں پائیدار اور دیرپا امن کے قیام کے لیے ہر ممکن کوششیں جاری رکھی جائیں گی۔ انہوںنے کہا کہ انٹرنیٹ سروس کی بحالی سے تعلیمی سرگرمیوں، کاروبار اور عوامی رابطے میں آسانی پیدا ہوگی۔
عوامی حلقوں نے سروس کی بحالی کو خوش آئند قرار دیتے ہوئے انتظامیہ سے مطالبہ کیا ہے کہ آئندہ کسی بھی صورت میں انٹرنیٹ جیسی بنیادی سہولت کو مستقل بنیادوں پر بند نہ کیا جائے تاکہ ترقی اور تعلیم کا عمل متاثر نہ ہو۔
