راولپنڈی(ای پی آئی ) پاکستان اور بھارت کے درمیان کشیدگی کے باعث راولپنڈی میں منسوخ کئے گئے پیپرز کے نئے شیڈول کا اعلان کر دیا گیا ،ایجوکیشن بورڈ نے ایف اے کے 2 پیپرز اور میٹرک کے پریکٹیکل ملتوی کیے تھے۔
جاری نئے شیڈول کے مطابق ایف اے کا 7مئی کو ملتوی ہونے والا پرچہ 16 جون کو ہوگا، 7مئی کو اسلامک اسٹڈیز اور اکاؤنٹنٹ پیپرز ملتوی ہوئے تھے جبکہ 9 مئی کو ملتوی ہونے والے ترجمتہ القرآن کے پرچے 31 مئی کو ہوں گے۔
میٹرک کے 7 مئی کو ملتوی کیا گیا پریکٹیکل 27 مئی کو ہوگا، 7 مئی کو کیمسٹری اور فوڈ نیوٹریشن ٹیلرنگ پریکٹیکل ملتوی ہوئے۔ اسی طرح، 9 مئی کا ملتوی میٹرک پریکٹیکل 29 مئی کو ہوگا۔
ایجوکیشن بورڈ نے باقاعدہ سرکلر جاری کر دیا ہے، امتحانی سینٹرز وہی ہوں گے تاہم رول نمبر سلپس نئی جاری کی گئی ہیں۔
