لاہور(ای پی آئی )انسداد دہشت گردی عدالت لاہور نے پاکستان تحریک انصاف کت رہنما اعظم سواتی کی جیل میں قید پی ٹی آئی رہنماؤں سے ملاقات کی درخواست خارج کردی۔
تفصیل کے مطابق انسداد دہشت گردی عدالت کے جج منظر علی گل نے پی ٹی آئی رہنما اعظم سواتی کی درخواست پر سماعت کی،دوران سماعت جیل حکام نے رپورٹ پیش کی، جس میں بتایا گیا کہ شاہ محمود قریشی ،ڈاکٹر یاسمین راشد سمیت دیگر رہنما کوٹ لکھپت جیل میں قید ہیں۔
رپورٹ کے مطابق جیل رولز کے تحت قیدی کے خونی رشتوں کے ساتھ ملاقات کروائی جاتی ہے۔جیل حکام کی رپورٹ کے بعد انسداد دہشت گردی عدالت نے اعظم سواتی کی جیل میں پی ٹی آئی رہنماؤں سے ملاقات کی درخواست خارج کردی۔
