اسلام آباد(ای پی آئی )انسداد دہشتگردی عدالت اسلام آباد میں بانی پی ٹی آئی عمران خان کے خلاف احتجاج کیس کی سماعت ۔عدالت کی سابق وزیر اعظم کو بذریعہ ویڈیو لنک حاضر کرنے کی ہدایت ،سماعت ملتوی ۔
انسداد دہشتگردی عدالت کے جج طاہر عباس سپرا نے بانی چیئرمین پی ٹی آئی عمران خان اور دیگر کے خلاف احتجاج پر درج مقدمات کی سماعت کی ۔
دوران سماعت عدالت نے بانی پی ٹی آئی کی عدم دستیابی کی وجہ سے کیس کی سماعت بغیر کسی کارروائی کے ملتوی کردی اور اگلی سماعت پر عمران خان کی بذریعہ ویڈیو لنک حاضری یقینی بنانے کی ہدایت کی عدالت نے کیس کی سماعت 16 جون تک ملتوی کردی۔
واضح رہے کہ بانی پی ٹی آئی عمران خان و دیگر کے خلاف تھانہ بہارہ کہو میں مقدمہ درج ہے۔
