اسلامآباد(ای پی آئی) صنعتی تنازعات کے حل کے لیے ملک کے 7 شہروں میں قائم این آئی آر سی کورٹس کو وڈیو لنک سے منسلک کردیا گیا ہے
چیئرمین این آئی آر سی جسٹس ریٹائرڈ شوکت عزیز صدیقی کی ہدایت پر تمام عدالتوں میں وڈیو لنک کی سہولت فراہم کر دی گئی
وڈیو لنک کی سہولت کے باعث ججز کے ٹی اے ڈی اے کی مد میں بننے والے لاکھوں روپے بچا لیے گئے اس سے قبل مقدمات کی پیروی کے لیے ججز کے دیگر شہروں کے سفر، رہائش اور کھانے پینے پر لاکھوں روپے کے اخراجات آ تے تھے.سائلین کو بھی کیسز کے لیے دیگر شہروں کے سفر پر ٹرانسپورٹ اور رہائش کے اضافی اخراجات برداشت کرنا پڑتے تھے
پہلے مرحلے میں اسلام آباد، لاہور اور کراچی کو وڈیو لنک سے منسلک کر کے سائلین اور وکلا کو سہولت فراہم کی گئی .دوسرے مرحلے میں سکھر، ملتان، کوئٹہ اور پشاور کو وڈیو لنک سے منسلک کیا گیا. این آئی آر سی کے مقدمات میں وکلا کو کیسز کی پیروی کے لیے اس سے قبل متعلقہ شہر جانا پڑتا تھا
اب وکلا این آئی آر سی کے کسی بھی آفس سے دیگر شہروں کی عدالتوں میں مقدمات کی پیروی کرے ہوئے اپنے شہر سے وڈیو لنک کے ذریعے دلائل دے سکیں گے.
