لاہور (ای پی آئی) انسداد دہشت گردی عدالت لاہورمیں نو مئی جلاؤ گھیراؤ کے دو مقدمات میں بڑی پیشرفت سامنے آئی ہے.
اے ٹی سی عدالت نے ڈاکٹر یاسمین راشد ،عمر سرفراز چیمہ ،میاں محمود الرشید ، اعجاز چوہدری ، علی حسن عباس،بلال وجاہت کی جائیدادیں ضبط کرنے کا حکم دیتے ہوئے سزا یافتہ مجرموں کے جیل وارنٹ جاری کر دیے .
عدالت نے تمام رہنماؤں کے حوالے سے الگ الگ حکم جاری کرتے ہوئے حکم میں کہا ہے کہ ڈاکٹر یاسمین راشد کو دس سال قید اور چھے لاکھ روپے جرمانے کی سزا سنائی گئی ہے
احکامات کے مطابق عدالت نے اعجاز احمد چوہدری کو دس سال قید کی سزا اور چھے لاکھ روپے جرمانے کی سزا سنائی
عدالت نے میاں محمودالرشید کو دس سال قید کی سزا اور چھے لاکھ روپے جرمانے کی سزا سنائی
عدالت نے عمر سرفراز کو دس سال قید کی سزا اور چھے لاکھ روپے جرمانے کی سزا سنائی
ملزمان کے خلاف تھانہ شادمان اور تھانہ سرور روڈ میں مقدمات درج ہیں
عدالت نے گزشتہ روز ملزمان کے خلاف دونوں کیسز کا فیصلہ سنایا تھا
عدالت نے سپرٹینڈنٹ جیل کو سزاوں پر عملدرآمد کے جیل ورانٹ بھی جاری کئے ہیں..
