پشاور(ای پی آئی ) پشاور کی انسدادِ دہشتگردی عدالت میں پولیس لائنز خودکش دھماکا کیس کی سماعت ۔انسداد دہشتگردی عدالت کے جج ولی محمد نے کیس کی سماعت کی ۔دوران سماعت 7 گواہان کے بیانات قلمبند کیے گئے۔
پراسیکیوشن کے مطابق یہ خودکش دھماکا 30 دسمبر 2023ء کو ملک سعد پولیس لائنز میں ہوا تھا جس کے نتیجے میں 92 سے زائد افراد شہید جب کہ سیکڑوں زخمی ہوئے تھے۔ مقدمے میں مرکزی ملزم امتیاز عرف تورہ شپہ اور پولیس اہلکار ولی محمد سمیت 8 افراد کو نامزد کیا گیا ہے۔
پراسیکیوشن نے عدالت کو بتایا کہ واقعے کی تحقیقات مکمل ہونے کے بعد ملزمان کے خلاف ٹرائل شروع کیا گیا اور اب تک 7 گواہوں کے بیانات ریکارڈ کیے جا چکے ہیں۔ عدالت نے مزید سماعت 10 ستمبر تک ملتوی کرتے ہوئے آئندہ پیشی پر مزید گواہان کو طلب کر لیا۔
