پشاور(ای پی آئی )خیبرپختونخوا کے ضلع کرک میں دہشتگردوں کا بانڈہ داؤد شاہ کے علاقے میں پولیس کی گشت پر مامور گاڑی پر حملہ ،اندھا دھند فائرنگ سے ایس ایچ او عمر نواز اور دو بہادر کانسٹیبل شہادت کے عظیم رتبے پر فائز ہو گئے۔
ترجمان کرک پولیس کے مطابق یہ افسوسناک واقعہ اس وقت پیش آیا جب ایس ایچ او عمر نواز اپنے دو ساتھی اہلکاروں کے ہمراہ معمول کی گشت پر تھے۔
دہشت گردوں نے گھات لگا کر پولیس موبائل پر اندھا دھند فائرنگ کی، جس سے گاڑی مکمل طور پر چھلنی ہو گئی اور تینوں اہلکار موقع پر ہی دم توڑ گئے۔
