لاہور (ای پی آئی )انسداد ہشتگردی عدالت لاہور میں بانی پی ٹی آئی عمران خان کے بھانجے اور علیمہ خان کے بیٹے شیر کی جناح ہاؤس حملہ کیس میں دائر درخواست ضمانت پر سماعت ،عدالت نے بعد از گرفتاری درخواست ضمانت منظور کرلی۔
تفصیل کے مطابق انسداد ہشت گردی عدالت لاہور میںانسداد دہشتگری عدالت کے جج منظر علی گل نے کیس کی سماعت کی،دوران سماعت بانی پی ٹی آئی عمران خان کی بہنیں علیمہ خان اور عظمیٰ خان، سابق وفاقی وزیر شاہ محمود قریشی کی اہلیہ مہرین قریشی عدالت میں پیش ہوئیں جبکہ ملزم شیر شاہ کے وکلاء رنا مدثر، بیریسٹر تیمور بھی کمرہ عدالت میں موجود تھے۔
، وکیل رانا مدثر نے مؤقف اپنایا کہ اس مقدمہ پر ابھی تک ملزم کی حد تک چالان نہیں آیا، ٹرائل نہ جانے کب شروع ہو، لہذا لامحدود وقت تک ملزم کو قید نہیں رکھا جا سکتا، ملزم کے خلاف۔ کوئی ثبوت۔ نہیں، ملزم کسی ہنگامہ آرائی میں ملوث نہیں۔وکیل رانا مدثر نے استدلال کیا کہ ایسے ملزمان جن پر شیر شاہ سے زیادہ سنگین الزامات تھے انہیں ضمانت دے دی گئی، شیرشاہ پر ایسا کوئی الزام نہیں کہ اس نے توڑ پھوڑ کی ہو، صرف ایک ملزم کی نشاندہی پر کسی دوسرے کو ملوث نہیں کیا جاسکتا۔
دلائل سننے کے بعد عدالت نے بانی پی ٹی آئی کے بھانجے شیر شاہ کی ضمانت پر فیصلہ محفوظ کر لیا، بعد ازاں عدالت نے فیصلہ جاری کرتے ہوئے شیر شاہ کی ضمانت منظور کرلی۔لاہور کی انسداد دہشتگردی عدالت نے جناح ہاؤس کیس میں شیر شاہ کی ضمانت منظور کر لی، عدالت نے شیر شاہ کو رہا کرنے کا حکم دیا۔
