اسلام آباد (محمداکرم عابد)وفاقی دارالحکومت کے شہریوں اور آنے والے سیاحوں کے خوشخبری اسلام آباد راولپنڈی کے درمیان جدید و تیز رفتار ٹرین چلے گی۔
دونوں شہروں کے درمیان سفر 20 منٹ میں طے ہو گا۔ وقت اور ایندھن کی بچت ہو گی ۔ویگنوں کا ہجوم مزیدکم اور جڑواں شہروں میں ٹریفک دباومیں کمی کا مکان ہے۔
اعلامیہ کے مطابق اسلام آباد راولپنڈی ریل سروس شروع کرنے کے منصوبے پرفوری پیش رفت کا فیصلہ کیا گیا ہے ۔اسلام آباد جدیدذرائع آمدروفت کی جانب گامزن ہے۔
وزیر داخلہ محسن نقوی اور وزیر ریلویز حنیف عباسی کی زیر صدارت اہم اجلاس ہوا۔ وزیر مملکت داخلہ طلال چوہدری نے بھی شرکت کی۔
اجلاس کے دوران مارگلہ سٹیشن اسلام آباد سے راولپنڈی صدر سٹیشن تک ریل منصوبے کو جلد از جلد مکمل کرنے پر اتفاق کیا گیا ہے، آئندہ ہفتے منصوبہ کے فریم ورک ایگریمنٹ کو حتمی شکل دے کر دستخط کئے جائیں گے۔
ٹریک وزارت ریلویز فراہم کرے گی جبکہ ریل سروس کا انتظام سی ڈی اے سنبھالے گی، ریل سروس کیلئے جدید ٹرین امپورٹ کرنے پر اتفاق کیا گیا ہے وزیرریلویز نے اس یقین کا اظہار کیا ہے کہ جڑواں شہروں کے درمیان ریل سروس کا آغاز عوامی فلاح کا بہترین منصوبہ ہو گا، منصوبے سے شہری تقریبا 20 منٹ میں جڑواں شہروں کے مابین تیز اور آسان سفر کر سکیں گے، وزیرداخلہ کے مطابق منصوبہ وزیراعظم محمد شہباز شریف کے عوامی ریلیف کے ویژن کا عکاس ہے، منصوبے کی تکمیل سے ہزاروں شہریوں کو سفر کی جدید اور معیاری سہولت میسر ہو گی،
وزیرمملکت داخلہ کے مطابق ٹرین سروس شہریوں کے لیے کم خرچ اور تیز رفتار سفری سہولت ہوگی،منصوبے کی تکمیل سے سڑکوں پر ٹریفک کا دباوبھی کم ہوگا۔
وفاقی سیکرٹری داخلہ۔ سیکرٹری ریلویز، چیئرمین سی ڈی اے، کمشنرراولپنڈی، کمانڈنٹ و ڈپٹی کمانڈنٹ ایف سی،آئی جی اسلام آبادپولیس۔ ڈپٹی کمشنر اسلام آباد اور اعلیٰ افسران نے اجلاس میں شرکت کی۔
