لاہور(ای پی آئی) لاہور ایئرپورٹ پرایئرپورٹس سیکیورٹی فورس(اےایس ایف) نے کارروائی کرتےہوئے بحرین جانے والے مسافر سے ڈھائی کروڑ روپے سے زائد مالیت کی آئس ہیروئن برآمد کرلی۔
ذرائع کےمطابق اے ایس ایف حکام کا کہنا تھا کہ مسافر نے ایک کلو 600 گرام آئس ہینڈ کیری کے پچھلے حصے میں نہایت مہارت سے چھپا رکھی تھی اے ایس ایف اہلکاروں نے تلاشی کے دوران آئس برآمد کرکے سمگلنگ کی کوشش ناکام بنا دی۔
مسافر کو برآمد آئس کے ساتھ مزید کارروائی کے لئے اے این ایف کے حوالے کر دیا گیا۔
