لاہور(ای پی آئی )سیشن کورٹ لاہور نےکبڈی کے کھلاڑی کو میچ جیتے پر قتل کرنے والے مجرم کوسزائے موت،جرمانے کی سزا کا حکم سنا دیا ۔۔
تفصیل کے مطابق سیشن کورٹ لاہور کے ایڈیشنل سیشن جج شعیب انور قریشی نے قتل کیس کی سماعت کی،دوران سماعت پراسیکیوشن اپنا کیس ثابت کرنے میں کامیاب رہی، جس کے بعد ایڈیشنل سیشن جج شعیب انور قریشی نے مجرم کو سزائے موت اور 2 لاکھ روپے جرمانے کا حکم سنایا۔
واضح رہے کہ مجرم کے خلاف تھانہ کاہنہ پولیس نے 2022ء میں مقدمہ درج کیا تھا۔ مجرم کے خلاف سرکاری وکیل محمد شبیر خان نے گواہوں کو پیش کیا ۔ پراسیکیوشن کے مطابق مجرم نے میچ ہارنے کی رنجش میں کبڈی کے کھلاڑی کو گولی مار کر قتل کردیا تھا۔
