اسلام آباد(ای پی آئی )اسلام آباد ہائیکورٹ میں سابق وزیر اعظم آزاد کشمیر سردار تنویر الیاس کے خلاف درج مقدمات کی تفصیلات فراہمی کیس کی سماعت۔ڈی ایس پی لیگل ساجد چیمہ نے درج مقدمات کی رپورٹ عدالت میں پیش کردی
اسلام آباد ہائیکورٹ کےجج جسٹس اعظم خان نے سردار تنویر الیاس کی جانب سے دائر درخواست پر سماعت کی۔ دوران سماعت اسسٹنٹ اٹارنی جنرل راجہ ضمیرالدین، ایف آئی اے اور پولیس حکام عدالت میں پیش ہوئے۔
ڈی ایس پی لیگل ساجد چیمہ نے سردار تنویر الیاس کے خلاف درج مقدمات کی رپورٹ عدالت میں پیش کردی۔ رپورٹ کے مطابق سابق وزیراعظم آزاد کشمیر کے خلاف اسلام آباد میں دو مقدمات درج ہیں۔عدالت نے پولیس رپورٹ پیش ہونے پر درخواست نمٹا دی۔
