راولپنڈی(ای پی آئی )پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے ڈی آئی خان کے علاقے درابن میں انٹیلی جنس بیسڈ آپریشن کیا، آپریشن میں بھارتی سپانسرڈ7خوارج مارے گئے،آپریشن بھارتی پراکسی فتنہ الخوارج کی موجودگی کی اطلاع پر کیا گیا۔
آئی ایس پی آر کے مطابق فائرنگ کے تبادلے میں میجر سبطین حیدر شہیدہو گئے،میجر سبطین حیدر شہید کا تعلق کوئٹہ سے تھا،میجر سبطین حیدر نے بہادری سے دستے کی قیادت کرتے ہوئے جام شہادت نوش کیا۔ ہلاک خوارج دہشتگردی ک متعدد کارروائیوں میں ملوث تھے،مارے گئے خوارج سے اسلحہ اور گولہ بارود بھی برآمد ہوا،ہلاک دہشتگرد بے گناہ شہریوں کے قتل میں بھی ملوث تھے۔
آئی ایس پی آر کاکہنا ہے کہ علاقے میں سکیورٹی فورسز کا کلیئرنس آپریشن جاری ہے،سکیورٹی فورسز بھارتی حمایت یافتہ دہشتگردوں کے خاتمے کیلئے پرعزم ہیں۔
