راولپنڈی(ای پی آئی ) اسلام آباد اور راولپنڈی میں غیر قانونی طور پر رہائش پذیر افغان باشندوں کے گرد گھیرا تنگ کردیا گیا۔پابندی کے باوجود افغان باشندوں کو مکان و رہائش کرایے پر دینے والوں کے خلاف بھی کارروائیاں کی جا ری
پولیس ذرائع کے مطابق راولپنڈی کے مختلف تھانوں کی حدود میں افغان باشندوں کو مکان کرایے پر دینے پر 3 الگ الگ مقدمات درج کرلیے گئے ہیں۔ مقدمات تھانہ مورگاہ ،تھانہ جاتلی اور تھانہ واہ کینٹ میں فارمر ایکٹ اور پنجاب انفارمیشن آف ٹمپریری ایکٹ 2015 کی شق 11 کے تحت درج کیے گئے ہیں۔؎
پولیس ذرائع کے مطابق تھانہ مورگاہ کے علاقے میں چودھری عادل نے محمد امین نامی افغان باشندے و فیملی کو مکان کرایے پر دے رکھا تھا ۔جبکہ تھانہ واہ کینٹ کے علاقے میں بختیار نامی افغان باشندے کو عمر علی نے رہائش کرایے پر دے رکھی تھی
جبکہ تھانہ جاتلی کے علاقے رتیال میں افغان باشندے زاہد خان کو اظہر نے مکان کرایے پر دے رکھا تھا ۔ تینوں افغان باشندوں و رہائشی افراد کو تحویل میں لے کر ہولڈنگ سینٹر منتقل کردیا گیا ہے۔حکام کا کہنا ہے کہ پابندی کے باوجود مکان کرایے پر دینے و قوانین کی خلاف ورزی پر 3 مکان مالکان کے خلاف مقدمے درج کرکے گرفتاری کے لیے چھاپے شروع کرکے دیے گئے ہیں۔
