اسلام آباد(ای پی آئی) سپریم کورٹ آف پاکستان نے گورنر سندھ میں ہاؤس رسائی سے متعلق کیس کو سماعت کیلئے منظور کرتے ہوئے فریقین کو نوٹسز جاری کردیئے ہیں اورآئندہ سماعت تک جواب طلب کرلیا ہے۔
جسٹس امین الدین کی سربراہی میں سپریم کورٹ کے پانچ رکنی آئینی بینچ نے گورنر ہاؤس میں اسپیکر صوبائی اسمبلی کی مکمل رسائی سے متعلق کیس کی سماعت کی۔
دورانِ سماعت جسٹس امین الدین نے گورنر سندھ کامران ٹیسوری کے وکیل سےمکالمہ کرتےہوئےکہاکہ اس میں فریق کو بٹھا کر آپ خود ہی فیصلہ کر لیں۔ جسٹس عقیل عباسی نے استفسار کیا کہ اس میں قانونی چارہ جوئی کا مرحلہ کون سا ہے؟
وکیل عابد زبیری نے مؤقف اپنایا کہ سندھ ہائی کورٹ نے ایک ہی سماعت میں فیصلہ سنا دیا، پیش ہوئے لیکن بغیر نوٹس فیصلہ سنادیا۔ وکیل اسپیکر صوبائی اسمبلی نے مؤقف اختیار کیا کہ اسپیکر نے انہیں کل سے رابطہ کیا ہے، لہٰذا تیاری کے لیے وقت دیا جائے۔
عدالت نے وکلا کے دلائل سننے کے بعد تمام فریقین کو نوٹسز جاری کرتے ہوئے آئندہ سماعت تک جواب طلب کر لیا کیس کی سماعت ملتوی کر دی۔
