اسلام آباد (ای پی آئی) سپیکر سردار ایاز صادق نے کہا ہے کہ پارلیمنٹ اور جمہوریت کے خلاف ہر سازش ناکام بنائیں گے.
قومی اسمبلی سیکرٹریٹ کی جانب سے جاری اعلامیہ میں کہا گیا ہے کہ پارلیمنٹ کے خلاف شرپسند عناصر ایک بار پھر متحرک ہوچکے ہیں پارلیمنٹ کو قانون سازی سے روکنے کی سازش کی جارہی ہے.
اعلامیہ میں کہا گیاہے کہ دو ہزار چودہ میں ناکامی کے بعد پارلیمنٹ پر دوبارہ حملے کی ناکام سازش کی جارہی ہے .
سپیکر قومی اسمبلی سردار ایاز صادق نے پارلیمنٹ کی بالادستی اور تحفظ کا واضح پیغام دیتے ہوئے کہا اس عز کا اظہار کیا ہے کہ پارلیمنٹ اور جمہوریت کے خلاف ہر سازش ناکام بنائیں گے،
سپیکر قومی اسمبلی سردار ایاز صادق نے کہا ہےکہ پارلیمنٹ کے خلاف سازش کرنے والے اور آئین کی بالا دستی کی بات کرنے والےنام نہاد لیڈر اپنے گریبان میں جھانکیں.پارلیمنٹ ،آئین ، قانون اور امن و امان پر کوئی سمجھوتہ نہیں ہوگا. پارلیمنٹ میں ہی بیٹھ کر پارلیمنٹ کے خلاف سازش کرنے والے ریاست پاکستان کے دشمن ہیں.بطور کسٹوڈین ،پارلیمنٹ کا تحفظ میری ذمہ داری ہے ۔ سپیکر
