اسلام آباد(محمد عالی جاہ خان) وزیر داخلہ کی سربراہی میں اجلاس کے دوران اسلام آباد میں عرصہ دراز سے خالی کمرشل پلاٹس کی تفصیلات طلب کرلی گئی ہیں ۔
وفاقی وزیر داخلہ محسن نقوی کی زیرصدارت سی ڈی اے ہیڈکوارٹرز میں خصوصی اجلاس
طویل اجلاس میں عوام کی فلاح و بہبود کے متعدد پراجیکٹس پر پیش رفت کا تفصیلی جائزہ لیا گیا
اجلاس میں شہریوں کی سہولت کیلئے مزید پراجیکٹس شروع کرنے کا فیصلہ کیا گیا ۔
اسلام آباد میں سٹیٹ آف دی آرٹ کرکٹ سٹیڈیم بنے گا۔وزیرداخلہ محسن نقوی نے 10 روز میں سٹیڈیم کا حتمی ڈیزائن طلب کر لیا
اجلاس میں نیشنل پارک کے لئے مخصوص ایریا مختص کرنے اور اسلام آباد میں جدید طرز پر سیف سٹی پراجیکٹ کا دائرہ کار بڑھانے کا فیصلہ کیاگیا ۔
کشمیر چوک پر ٹریفک کی روانی کے لیے ”سمارٹ انڈر پاس” کی تعمیر کا فیصلہ کیا گیا ہے ۔
10 روز میں سمارٹ انڈر پاس کا حتمی ڈائزین طلب کیا گیا ہے ۔
اجلاس میں اسلام آباد میں فائیو سٹار ہوٹل کی تعمیر کے لیے معروف کمپنیوں کی خدمات حاصل کرنے کا فیصلہ کیا گیا
دوران اجلاس اسلام آباد میں عرصہ دراز سے خالی کمرشل پلاٹس کی تفصیلات طلب کرلی گئی ہیں ۔
اجلاس میں سالڈ ویسٹ مینجمنٹ کمپنی کی خدمات حاصل کرنے کیلئے خصوصی ٹیم تشکیل دینے اور قانون نافذ کرنے والے اداروں کے ہیڈ کوارٹر کے لیے اراضی مختص کرنے کا فیصلہ کیا گیا
وزیر داخلہ محسن نقوی نے کہا کہ اسلام آباد میں تجاوزات کے خلاف آپریشن پوری قوت سے جاری رہے گا۔ واگزار کرائی اراضی کا مفاد عامہ کے لیے بہترین استعمال کیا جائے گا۔
اجلاس میں وفاقی دارالحکومت میں نئے کنونشن سنٹر کی تعمیر کے لئے مختلف تجاویز پر غور کیا گیا ۔
اجلاس میں فیڈرل کانسٹیبلری، رینجرز اور اسلام آباد ٹریفک پولیس کے
ہیڈکوارٹرز کے لیے اراضی مختص کرنے کے لیے مختلف تجاویز کا جائزہ لیا گیا
چئیرمین سی ڈی اے محمد علی رندھاوا نے بریفنگ دی
آئی جی اسلام آباد پولیس علی ناصر رضوی۔ ڈپٹی کمشنر۔ ایڈیشنل ڈپٹی کمشنر جنرل ۔ سی ٹی او۔ ایس ایس پی آپریشنز۔ سی ڈی اے کے ممبران اور اعلی حکام کی اجلاس میں شرکت کی
