وینزویلا پر امریکی حملہ عالمی قوانین کی خلاف ورزی ہے، خواجہ سعد رفیق

لاہور(ای پی آئی ) مسلم لیگ ن کے سینئر رہنما خواجہ سعد رفیق نے وینزویلا پر امریکی حملے کو عالمی قوانین کی خلاف ورزی قراردیتے ہوئے کہا ہے کہ امریکی استعمار وینزویلا میں اپنے عزائم کی تکمیل نہیں کر پائیگا یہ صورتحال بیک فائر کر سکتی ھے۔

سوشل میڈیا پلیٹ فارم ایکس پرخواجہ سعد رفیق نے لکھا ہے کہ وینزویلا پر امریکی حملہ اسکی علاقائی خود مختاری اور عالمی قوانین کی شدید خلاف ورزی ھے۔
اپنے بے رحم مفادات کے تحفظ کیلئے کمزور قوموں پر مختلف بہانے بنا کر سازش کے تحت براہ راست حملے کرنا یا انکی برھنہ حمایت کرنا امریکی استعمار کی فطرت اور روایت ھے-

انہوں نے لکھا ہے کہ امریکہ کا وینزویلا پر یہ حملہ دنیا میں ھر طاقتور ریاست کو اپنی مخالف ریاست میں ایسی ھی من مانی مداخلت کرنیکا لائسنس ھے۔

خواجہ سعد رفیق کے مطابق وینزویلین ڈکٹیٹر کو پکڑنے کی اور وینزویلا کو آزادی دلانے کی آڑ میں امریکہ وینزویلا پر کٹھ پتلی حکومت مسلط کرکے اسکے قدرتی وسائل پر قبضے کی شرمناک کوشش کریگا۔ نہیں لگتا کہ امریکی استعمار وینزویلا میں اپنے عزائم کی تکمیل کر پائیگا ! صورتحال بیک فائر کر سکتی ھے۔۔