انقرہ (ای پی آئی ) ترکیہ اور شام میں میں شدید زلزلے کے باعث 200 سے زائد افراد جاں بحق ہوگئے جبکہ سیکڑوں زخمی، کئی عمارتیں ملبے کا ڈھیر بن گئیں۔ترکیہ میں شدید زلزلے کے سب80افراد جاں بحق اور متعدد افراد زخمی ہیں،
زلزلے سے عمارتوں کو شدید نقصان پہنچا، لوگ سڑکوں پر نکل آئے، امریکی جیولوجیکل سروے کے مطابق زلزلے کی شدت 7.8 ریکارڈ کی گئی ہے۔ترک میڈیا کے مطابق زلزلے کے شدید ترین جھٹکے ایک منٹ تک محسوس کیے گئے،
زلزلے کا مرکز ترکیہ سے 23 کلومیٹر جنوب میں تھا، جبکہ گہرائی 17.9 کلومیٹر تھی۔زلزلے کے سبب خوفزدہ لوگ گھروں سے باہر نکل آئے، زلزلہ مقامی وقت کے مطابق رات سوا 4 بجے آیا، جب بیشتر لوگ سوئے ہوئے تھے۔ترک میڈیا کا کہنا ہے کہ شاکس ترکیہ کے وسطی علاقوں میں بھی محسوس کئے گئے جن کی شدت 6.7 ریکارڈ کی گئی،
آفٹر شاکس تقریباً 11 منٹ بعد محسوس کئے گئے۔دوسری جانب شام میں زلزلے سے 95 افراد جاں بحق اور 200 سے زائد زخمی ہوئے ہیں،کئی عمارتیں بھی زمین بوس ہو چکی ہیں۔زلزلے کے جھٹکے قبرص، یونان، اردن، لبنان، عراق، جارجیا اور آرمینیا میں بھی محسوس کئے گئے۔
