کراچی(ای پی آئی ) پی ٹی آئی رہنما اورسابق گورنر سندھ عمران اسماعیل کو جوڈیشل ریمانڈ پر جیل بھیج دیا گیا .
تفصیلات کے مطابق عمران خان کی گرفتاری پر احتجاج کے دوران ہنگامہ آرائی کے مقدمے میں گرفتار سابق گورنر سندھ عمران اسماعیل کو دو روزہ جسمانی ریمانڈ کے بعد انسداد دہشت گردی منتظم عدالت میں پیش کیا گیا۔
پولیس کی جانب سے عمران اسماعیل کے ریمانڈ میں توسیع کی استدعا کی گئی تاہم عدالت نے تفتیشی افسر کی درخواست کو مسترد کر دیا اور عمران اسماعیل کو جوڈیشل ریمانڈ پر جیل بھیج دیا ، عدالت نے آئندہ سماعت پر مقدمے کا چالان بھی طلب کر لیا۔
یہ بھی پڑھیں؛سابق گورنر سندھ عمران اسماعیل کو پولیس نے حراست میں لے لیا
اس موقع پر پی ٹی آئی رہنما نے میڈیا سے گفتگو کرتے ہوئے کہا کہ مجھ پرپارٹی چھوڑنے کےلئے کوئی دبائو نہیں ہے ۔ آفتاب صدیقی اپنی مرضی کے مالک ہیں، اور اپنے فیصلے کرنے میں آزاد ہیں۔
