پشاور (ای پی آئی) نو مئی واقعات میں ملوث پی ٹی آئی رہنمائوں اور کارکنان کی گرفتاریوں کے دوران پناہ دینے والے افراد کے خلاف بھی کارروائیوں کا سلسلہ شروع کر دیا گیا ۔
پشاور میں توڑ پھوڑ اور جلاؤ گھیراؤ میں ملوث پاکستان تحریک انصاف کے رہنمائوں کو پناہ دینے والوں کے خلاف بھی مقدمات درج کر لیے گئے۔
ضلع بونیر میں پاکستان تحریکِ انصاف کے 3 رہنماؤں کو پناہ دینے والوں کے خلاف پہلا پرچہ کٹ گیا۔تحریک انصاف بونیر کے رہنما بختیار علی، ہشتم خان کے خلاف تھانہ گاگرہ میں مقدمہ درج کیا گیا ہے .
اس حوالے سے پولیس نے بتایا کہ سہولت کاروں کے خلاف مقدمہ دفعہ 212 پی پی سی کے تحت درج کیا گیا، ملزمان نے پی ٹی آئی رہنما میناخان اور سابق ایم این اے شاہد خٹک کو اپنے ریسٹ ہاؤس میں پناہ دی۔پولیس نے کہا کہ پی ٹی آئی کے دونوں روپوش رہنماؤں کو ریسٹ ہاؤس سے گرفتار کیا گیا تھا۔
