کراچی (ای پی آئی ) محکمہ کسٹم کراچی کے دو افسران لاپتہ متعلقہ سیکیورٹی اداروں نے تلاش شروع کردی۔
ترجمان کسٹمز کے مطابق کراچی کسٹمز انفورسمنٹ میں بطور سپرنٹنڈنٹ تعینات دو افسران طارق محمود اور یاور عباس لاپتا ہوگئے،
لاپتہ افسران کل شام سے کسی کے رابطے میں نہیں ہیں۔
ترجمان کسٹمز کے مطابق تمام سرکاری محکمے کسٹمز افسران کی تلاش میں مصروف ہیں، امید ہے کہ جلد ہی ان کی بازیابی کی اطلاع مل جائے گی۔
جبکہ لاپتا افسران کے خاندانی ذرائع نے بتایا ہے کہ دونوں افسران جمعہ کی شام سے لاپتا ہیں۔
