کراچی(ای پی آئی ) ایک ہفتہ قبل اچانک لاپتہ ہونے والے 2 کسٹمز افسران کو کرپشن میں ملوث ہونے پر گرفتارکر لیاگیا۔
ترجمان ایف آئی اے کے مطابق طارق محمود اور یاور عباس کو اسلام آباد جاتے ہوئے گرفتار کر کےملزموں کے قبضے سے 54لاکھ روپے، ڈھائی ہزار امریکی ڈالر برآمد کر لئے ، اس کے علاوہ ملزموں سے 6ہزار ایک سود اماراتی درہم بھی برآمد ہوئے۔
ایف آئی اے ذرائع کاکہناہے کہ دونوں افسران کو کسٹمز میں میگاکرپشن سکینڈل کے تحت گرفتار کیا،
ملزمان دیگر کسٹمز افسران کے ساتھ ملکر سمگلنگ کے عوض مافیا سے کروڑوں روپے لیتے رہے،
غیرمعمولی کرپشن میں پاکستان کسٹمز کے دیگر افسران بھی ملوث رہے،
ذرائع کا مزید کہناتھا کہ مقدمہ میں کسٹم کی چیک پوسٹوں سے ماہانہ کی بنیاد پر40سے 60ملین وصول کئے جاتے رہے۔
